NEICC Annual 74th Session-Agartala

Dt 18th - 22th May chhunga AD Nagar Mission Compound,Agartala Tripura a neih zawh taka kal Kohhran Zaipawl (mi 30) te pawh rawngbawlna hlawhtling tak an neih hnuah tluang takin Aizawl an lo thleng leh ta.

Kohhran Zaipawl te hi dt 20th May tlai dar 3:45 ah Kohhran aiawh Upa B.Vanlalzara'n tawngtainaa hmanpui zawhah Biak In thlang atanga chhuakin Kanhmun ah an riak a,a tuk zing dar 6 ah Kanhmun chhuahsanin tluang takin an thlenna tur hmun Mission Compound chu tlai dar 3 velah an thleng ani.

Thlen zan la la hian Kohhran Zapawl te hian hah pawh sawi hman loin hla an rem nghal a, an chham chhung hian vawi li zaina hun neiin Inrinni zan bakah chawlhni chawhma, chawhnu leh zanah te hun an hmang ani. Kohhran Zaipawl te hian Mizo hla pahnih leh Sap hla pahnih te hmangin pathian rawngbawlna hi an nei a ni.

Thawhtanni ah tripura bandh a awm avangin Pathianni zan la la hian Tripura an chhuahsana a tuk zing dar 8 velah Silchar Mission Compound ah thlengin, bazarna hun leh chawlh hahdamna hun an nei a. Tlai dar hnih velah Silchar chhuahsanin engmaw harsatna neuh2 karah zanlai dar 12 velah Khatla South an lo thleng a ni.

Pathian kaihhruaina zara harsatna liantham engmah awm lo a tluang takin rawng an bawl thei a a lawmawm hle. Kal theihna tur a hun remchang siamsak tu Kohhran Committee te, bang loa tawngtai saktu kohhran mipuite leh hun nei lo chung2 a hla zira Zaipawl a tel tur a pen chhuak te zawng2 thawhrah a nih zia hai rual a ni lo a. Tanrual hi chakna a nih zia pawh a takin he an rawngbawlna hian a ti lang a ni.

Read More

Marka Group Night

Ni 30.5.2011 zan hian Marka Group Night chu hman ani dawn a,heta inkhawm programme tur chu hetiang hi ani ang.

Chairman                       : Tv Vanlalvena Tochhawng 
Tantu                             : Nl Zadingpuii
Thilpek Khawntute         : Nl Lalhlupuii
                                        Nl Lalrengpuii
Thilpek Hlantu                : Nl Lalnunthari
Thusawi Tawi                 : Tv K Lalbiakhlua
Male Voice                    : Tv Lalhmunsanga Incharge
Solo                               : Tv John Vanlalpeka
Beat Group                    : Tv K Lalhriatpuia Incharge
Recitation Duet               : Nl Dr R Lalnunsangi Incharge
Musical Play                   : Tv Roy Lalhriatpuia Incharge

     (Inkhawm banah thingpui inhona hun neih ani ang a,ei leh in tuihnai tak buatsaih tum ani bawk e)

Read More

Group Meet Thawhkhatna hlawhtling taka hman a ni !!

Dt 13th/05/2011 zan programe vanduaithlak taka chhiat tawhna avanga thulh anih hnuah Ni 14th/05/2011 khan harsatna dang awm loin ruat lawk angin tluang takin Pachhunga University College Playground'ah Group Meet thawhkhatna chu Outdoor Games hmangin hlimawm taka hman a ni a, hetah hian Branch in Bus pahnih a hire bakah two wheeler tam tham tak leh motor engmaw zat hmangin members ten he ni hi kan chhim a ni.Kan meet hi Discipline hrang hrang pasarih(7) leh group kal tam zawnna hmanga in el niin Intihsiakna hrang hrang neih takah hetiang hi Group te points hmuh dan leh dinhmun chu a ni e -

Pakhatna - Johana Group -500 points

Pahnihna - Marka Group  -460 points

Pathumna - Matthaia Group - 445 points

Palina      - Luka Group   - 425 points

Group members kalte chhiarna tum hnih (thlen hlim leh ban dawnah) neih a ni a hetiang hi Group tin te kaldan chu a ni :-

1. Matthaia - 47
2. Marka    - 44
3. Luka      - 44
4. Johana   - 48  

niin Members 100 chuang hretin he hun hi kan hmang a ni.

 

 

Football ah hian Johana Group te chu an champion a, Marka Group chu runner up niin, Luka leh Matthaia Group te chu pathumna leh palina te an ni.

Dead Ball hi group kal zawng zawng hmangin intihsiak a ni a, Johana Group te an thi kim har berin pakhatna an ni a,Marka Groupin dawtin Matthaia Group leh Luka Group ten a hnung an dawl ve thung a ni.


Sakuhuilut hi kan hlimpui ber a mawn chu aw tih turin kan te ring hlawmin, kan han bawkvak tak tak hlawm chu khup pilh hre chang lo lekin lei kan hrut mam phei kuar hlawm mai lawm. He intihsiaknaah hian Johana Group te chu an vak chak ber a, Matthaia Groupin dawtin,Marka Group leh Luka Group ten an zui a ni.

Sakuhuilut neih zawh hian chawfak hun chawlh neih a ni a, kan tiffin theuh te dahkhawmin nitin nunpangngai a chaw ei thin dan loh ang takin kan ei khawm liam2 chu a nuamin puar pawh a dik zaih bik mai.

Turtle Race ah a pumpuiah Marka Group te two wheeler an khalh a muang thiam bera, Johana Group an tlan chak hreta Matthaia Group leh Luka Group te an tlan a fawr hret a ni.

Chawhnu lam game a tang chho tak tak ta a, tumah reng2 kan awm hle2 thei toh lo..kan commentator te pawh an tal buaiin fans lam pawh tang na hlawm hle a ni. Mitin mahni theih ang tawk tawk theuhin kan che a, a thenin players te in tur buaipuiin hun kan hmang bawk a a nuam suau2 hle  ani.Chutih karah chuan a then azar chu thlalak lam ringot buaipui a lo in post awn2 tawk lah kan bo lo,kan kawp a kim a ni ber e.

 

Mixed Relay race pawh neih niin kan Branch'ah Marka Group te chu an tlan chak ber a, Luka ten dawtin Johana Group leh Matthaia Group ten a hnu an khawi a ni.

Inlungrual leh pen chak leh hnufum lutuk bik pawi theih zia Group Race atang hian a lang chiang hle awm e. Thenkhat kan tang lutukin tlema chak lo deuh te kan in hnuk thlu lawp lawp mai kha chu tan vang ni bawk mahse team work pawimawh sia entirna tha tak niin a hriat. In dawm kang tawn theih tur kan nihzia te pawh a ti lang thei awm e. Hetah hian Matthaia Group te chu tlan chak berin, Marka Group pahnihna an nia.Pathumna chu Luka Group niin Johana Group ten a hnu an khar a ni.

Arpa Insual hi a pui bep2 hle mai. Tai ar te, Broiler te, Zo ar te etc kan kat nuk mai. An in tai pawh a na hlawm ngang a niang chu an in lim thlu hual hual mai alawm le. Johana Group arpa ho an huia ber a,Luka Group ten tlemin zawl an dawh deuha,Matthaia Group ten Marka Group te an ngam ve thung a ni.

 

Ti hian heng intihsiakna hrang hrang hmang hian hlim leh nuam takin, engmah harsatna hran hmang loin Meet thawhkhatna chu khamlo takin kan kiansan ta a.

Phur takin members te kan thawk chhuak a a lawmawm hle rualin intihhlimna leh sports lam chauh ni loin Inkhawm leh Pathian rawngbawlna lamah pawh kan phur chhunzawm theuh dawn nia.

Read More

Kohhran Zaipawl rawngbawlna

Pathian kaihhruaina azarah kum 2011 hi kan kohhran zaipawl tan kum tha a ni chho zel a,kum bul atangin rawngbawlna hmun hrang hrangah rawngbawlna hlawk leh nung tak neih chhoh zel a ni a a lawmawmin hun lo la kal zel turah pawh hei hi a nun chhoh zel theih nan kan tawngtainaah kan hrereng thin dawn nia.

Tunah hian kan kohhran din tirh atanga project lian bera ngaihtheih 'music video' siam chu zawh ni tohin Zonet leh LPS velah demand channelah en theih tura tih chhuah a ni tawh a. A video te a hmuhnawmin a zai a nung tha bawk a thlan a hlawhin a zai pawn tih chhuah ngun a hlawh ve hle a ni. He 'music video'-ah hian 'Nangma thil ropui te an sawi' tih hla sak a ni.

Aizawl Chhim KTP Presbytery hnungber Mission Vengthlanga neih zawh takah pawh Sunday tukah members 100 dawnin 'Nangma thil ropui te an sawi' tih tho hi ropui taka rem niin a ngaithlatute atangin zaithiam leh nung an tih thu dawn nual a ni a ropui hle.

Good Friday leh Easter Sunday program kal chho a Kohhran Zaipawl te vawitam tak zai niin a bik takin ' A saw raltiang tlangah' tih hla an rem chuan mi thinlung a khoih hle a ni.

May ni 8,2011 Sunday zing khan kan veng atanga Sairang bial tu tur a chhuk Rev Lalthantluanga induction neihnaah kohhran zaipawlin zuk tawiawmin, he hunah pawh hian Pathian kaihhruaina leh awmpuinain ropui takin hla rem leh a ni.

Kan hma lawk May 18th-22nd,2011 a NEICC 74th Annual Session Mission Compound,AD Nagar, Agartala, Tripura a neih turah kan Kohhran Zaipawl te zaia rawngbawlna nei tura sawm kan ni a,hemi a kal tur hian member 30 thlan niin tunah hian ngawrh takin hla zir mek a ni. Heng kan members rawngbawlna nei tura inbuaitsaih mek te hi hlawhtling taka sawm an nih ang ngei a hun an hman theihna turin kan tawngtainaah kan hrereng thin dawn nia.

Read More

KTP Group Meet 2011 thawh khatna.

Kum 2011 KTP Group Meet chu Ni 13.5.2011 (zan) leh Ni 14.5.2011 (nileng) khian a thawh khatna tur Sports hmanga intihsiaknin bul tan leh tur ani a,a programme kimchang chu hetiang hi a ni -

13.5.2011(7:30 pm)

A Hmun : Khatla South community Center
Hunserh : Tv Lalthawmmaia Branch Fin. Secretary


DISCIPLINES :

         1) Basketball            -        Mipa (10 + 10 minutes).
         2) Volleyball             -        Hmeichhia (21 pts game).
         3) Mix Inkawibah     -        Group tin atangin mipa 2 leh hmeichhia 5.
         4) Arpa Thai             -        Group tin atangin mipa 5.
         5) Gymnastic            -         Group tin atangin 1.

14.5.2011 (10:00 am)

A Hmun     : Pachhunga University College Field.
Hunserh     : Tv LalhriatkimaRenthlei Branch Treasurer.



DISCIPLINES :

           1) Football                        -          Mipa (15+15)mins,Final (20+20 mins)
           2) Sakuhuilut                     -          Group member kaltlem ber zat.
           3) Turtle Race                   -          Group tin atangin mipa 2 leh hmeichhia 2.  
               (Scooty & Bike)
           4) Arpa Insual                    -         Group tin atangin mipa 10.
           5) Mix relay race                -         Group tin atangin mipa 3 leh hmeichhia 3.
           6) Group race                    -         Group member kal zawng zawng atangin.
           7) Dead Ball                       -         Group member kal zawng zawng atangin.

Members te a tam thei ang ber kal leh tel turin kan in sawm a ni e.

Read More

HAPPY EASTER !!

Thihna hneh a tho leh Lal Isua chu fakin awm sela, a thawhlehna avanga chhandama awm keini mihringte hian kan tana nunna petu hi chawimawiin amah fakin kan aw neih zawngin zai i vawr ang U,Amen.

Read More

Tawrhpui Zan

Kristian te tana lungchhiatthlak leh lungngaihna tawp a rum chhuah pui vawng2 na tham khop zan chu kan lo thleng leh dawn ta reng mai a. Kan Lal Isua he khawvela a lenlai a a ropui ve na hun awmchhun Jerusalem a Lal anga a luhna champha kan hman zawh a 'Hosana' tia a hming faka kawngpui dungtluana kan au na pawh a thang khawk a reh fel hman awrh tihin a thin dawn zan champha kan lo thleng a ni leh ta reng mai a. A tawrhna nat zia leh Amah ngei pawhina a hreh zia a tawngtai hla atanga kan hriatna atang ringot poh hian mihring a hmangaihna thuk zia a lang chiang awm e. A thlan thi ang meuh a luang khawp a tawngtai tlaivarin a zirtirte ngei pawna an tawngtaipui lawm2 a phut hial a ni.

Kum tina kan tih thin angin 'venpui zan' emaw 'tawrhpui zan' emaw tiin he hun harsa hi kan hmang leh dawn a ni a. He hun hi Kohhran kalphung pangngai inkhawm nena a danglamna hi kan hmuh hmaih palh fo ang tih hi a hlauhawm thin. Hun bik nei a nihna piahah hian kan Lal Isua tuara a rumna ruam hi kan hmuhpui ngei a poimawh hle a ni. Min hmangaihna vawrtawp a luan chhuahna leh khawvel leh amah a insuihfinna zan kan lo thlen hian rilru'ah min hmangngaihtu hmangaihna chu hre thar lehin, kan tan a hreawm tin reng tuara anchhe dawng thihna a thlang hi a lo thlawn a khai ral tir mai loin, Pathian lama in silfai tharna leh in hlan thar nan hman i tum theuh ang chu. Lalpa Zanriah Sacrament kilho a chan ho ah hian tawp mai loin atan a kan tana a nunna hial petu a nihna ang ngei hian atan hian kan tisa leh thlarau hlan thar i tum theuh ang u. Hemi kan ti thei a nih ngat chuan kan Lal Isua tawrhna hi a hreawm ringot a tawp loin ' tuarna pawh ka tan hlawkna' a nihna chu kan hmuchiang leh zual ngei ang.

Read More