April 2011 ~ Khatla South KTP

Tuesday, 26 April 2011

KTP Group Meet 2011 thawh khatna.

Tuesday, April 26, 2011 KTP Khatla South Branch No comments

Kum 2011 KTP Group Meet chu Ni 13.5.2011 (zan) leh Ni 14.5.2011 (nileng) khian a thawh khatna tur Sports hmanga intihsiaknin bul tan leh tur ani a,a programme kimchang chu hetiang hi a ni -

13.5.2011(7:30 pm)

A Hmun : Khatla South community Center
Hunserh : Tv Lalthawmmaia Branch Fin. Secretary

DISCIPLINES :

         1) Basketball            -        Mipa (10 + 10 minutes).
         2) Volleyball   -        Hmeichhia (21 pts game).
         3) Mix Inkawibah     -        Group tin atangin mipa 2 leh hmeichhia 5.
         4) Arpa Thai             -        Group tin atangin mipa 5.
         5) Gymnastic            -         Group tin atangin 1.

14.5.2011 (10:00 am)

A Hmun : Pachhunga University College Field.
Hunserh     : Tv LalhriatkimaRenthlei Branch Treasurer.

DISCIPLINES :

   1) Football                        -          Mipa (15+15)mins,Final (20+20 mins)
   2) Sakuhuilut                     -          Group member kaltlem ber zat.
   3) Turtle Race                 -      Group tin atangin mipa 2 leh hmeichhia 2.
               (Scooty & Bike)
           4) Arpa Insual                    -         Group tin atangin mipa 10.
           5) Mix relay race                -         Group tin atangin mipa 3 leh hmeichhia 3.
           6) Group race                    -         Group member kal zawng zawng atangin.
           7) Dead Ball                       -         Group member kal zawng zawng atangin.

Members te a tam thei ang ber kal leh tel turin kan in sawm a ni e.

HAPPY EASTER !!

Saturday, April 23, 2011 KTP Khatla South Branch No comments

Thihna hneh a tho leh Lal Isua chu fakin awm sela, a thawhlehna avanga chhandama awm keini mihringte hian kan tana nunna petu hi chawimawiin amah fakin kan aw neih zawngin zai i vawr ang U,Amen.

Tawrhpui Zan

Thursday, April 21, 2011 KTP Khatla South Branch No comments

Kristian te tana lungchhiatthlak leh lungngaihna tawp a rum chhuah pui vawng2 na tham khop zan chu kan lo thleng leh dawn ta reng mai a. Kan Lal Isua he khawvela a lenlai a a ropui ve na hun awmchhun Jerusalem a Lal anga a luhna champha kan hman zawh a 'Hosana' tia a hming faka kawngpui dungtluana kan au na pawh a thang khawk a reh fel hman awrh tihin a thin dawn zan champha kan lo thleng a ni leh ta reng mai a. A tawrhna nat zia leh Amah ngei pawhina a hreh zia a tawngtai hla atanga kan hriatna atang ringot poh hian mihring a hmangaihna thuk zia a lang chiang awm e. A thlan thi ang meuh a luang khawp a tawngtai tlaivarin a zirtirte ngei pawna an tawngtaipui lawm2 a phut hial a ni.

Kum tina kan tih thin angin 'venpui zan' emaw 'tawrhpui zan' emaw tiin he hun harsa hi kan hmang leh dawn a ni a. He hun hi Kohhran kalphung pangngai inkhawm nena a danglamna hi kan hmuh hmaih palh fo ang tih hi a hlauhawm thin. Hun bik nei a nihna piahah hian kan Lal Isua tuara a rumna ruam hi kan hmuhpui ngei a poimawh hle a ni. Min hmangaihna vawrtawp a luan chhuahna leh khawvel leh amah a insuihfinna zan kan lo thlen hian rilru'ah min hmangngaihtu hmangaihna chu hre thar lehin, kan tan a hreawm tin reng tuara anchhe dawng thihna a thlang hi a lo thlawn a khai ral tir mai loin, Pathian lama in silfai tharna leh in hlan thar nan hman i tum theuh ang chu. Lalpa Zanriah Sacrament kilho a chan ho ah hian tawp mai loin atan a kan tana a nunna hial petu a nihna ang ngei hian atan hian kan tisa leh thlarau hlan thar i tum theuh ang u. Hemi kan ti thei a nih ngat chuan kan Lal Isua tawrhna hi a hreawm ringot a tawp loin ' tuarna pawh ka tan hlawkna' a nihna chu kan hmuchiang leh zual ngei ang.

Tumkau Ni

Saturday, April 16, 2011 KTP Khatla South Branch No comments

He khawvela lal Isua'n chawimawina a dawn ni awmchhun leh rei lote chhunga a lalna ram ni lo a amah faka mitin'in ropui taka an hmuahna ni chu a lo thleng leh ta reng mai a. He hun hi keimahni thlarau lam leh tisa lama Pathian kan hnaih lehzualna ni a ni theih nan rilru leh tih takzetin Pathian chawimawi chungin i in hlan thar leh ang u. Kum tin a kan lal Isua hriatreng nan leh kan chawimawi ve zia lantirnan a kan tih thin kawng zawh pawh kan vengchhungah buaitsaih leh a ni a. Zir kar rilru thian lai taka 'Hosana, a hmalama kal te leh a hnung lama rawn zuitute chuan...fakin awm rawh se, chungnunberah khian Hosana' han tih rual tuar2 chuan kan Lal hmel a lo mawi thar leh thin a ni.
Tumkau Ni hi mitin tan malsawmna ni lo ni mawlh rawh se...Amen.

Khatla Pastor Bial Inkhawmpui

Wednesday, April 13, 2011 KTP Khatla South Branch No comments

Khatla Pastor Bial Inkhawmpui chu ni 15th April - 17th April chhungin kan kohhran'ah nghah a ni leh dawn ta e. Kohhran members te a tam thei ang ber telin hlawk thlak taka hman kan tum theih dawn nia. KTP members chanvo hrang2 nei tura ruat te pawh kan hotute min ruatna leh rinna tih hlohtlin ngei kan tum theuh dawn nia. Programme kimchang lo update thuai a ni ang.

Group Meet 2011

Wednesday, April 06, 2011 KTP Khatla South Branch No comments

Kan hma lawk hian Group Meet 2011 chu hman leh tum a ni a,hetah hian inelna chi hrang hrang inkhelh atanga zai thlenga neih leh tura ruahman a ni.Member ten hlawk thlak taka kan hman theih kan beisei in member te lo inpuahchah sauh sauh turin kan in hriattir a ni e.