Khatla South Kohhran Tual Upa thar thlan an ni

 

May ni13, 2012 khan Khatla South Kohhran chuan Bial Inkhawmpuiin Tual Upa 3 thlan min phalsak angin kan thlang a Pathian in min pek chu Tual Upa pahnih an ni ta a ni.

 

 

Tv Mesak Lawmkima

      Han en mai pawh hian pa inchengvawng tak, 'Official em em' kan tih ang chi hi a ni a, chutih rualin hnatlan nikhua a kekawrbul pawh nawt mar thlap ang chi chu a ni bik lo. " Ani hi chu a Upa Line tlat "an tih fo thin a ni " mi zakzum leh inkiltawih , mi inngaitlawm, hruaitu leh kum Upa zawk te zah thiam tak a ni thin. Tun hnai atang khan zan 9:00 pel a nula han rim te pawh aching ve tan a ni awm e. KTP lamah experience a nei tha hle a Bial leh Branch ah a hotu lawk(OB) nih theih na zawng zawng hi a lo ni vel vek tawh a ni. Computer Guru (BA., BCA) niin Pagemaker phei chu expert khawp mai, Ei hmuh nan pawh Computer kaihhnawih  ZENICS Ltd lamah  a thawk in  Junior Technician hna a chelh mek. Ze nghet,  Mi rintlak kan tih ang chi hi a ni ve hrim hrim.  Kawng hrang hrangah A hmanhmawh em em lo viau thung. Nupui neih hi hun ve thawkhat in a inhre tawh a, nupui nei tur chuan ngaihzawng neih te a lo ngai si a, hei hi a buaina chu a ni rih mai awm e.

Pu Zohmangaiha :

     Ram pum huap ah pawh kan Kohhran tihmingthatu, kan thalaite rawngbawlna zau zawka an kal ve theihna tur remchang tam tak siamsaktu a nih na te, mi in pe tak a nih na te hi tumah chupui rual lova a zia a bet tlat te a ni. CKTP ah a neitu pa,  Sum lam vawngtuah a awm ve mek a, Ei zawn na lamah chuan Birla Insurance lamah sum a hai chhuak mek a, heti chung hian fapa thar chawmna tur PUC  lamah Part Time in a kal tel mek bawk. MA Physiology a nih avangin Pathian thuthiam tam tak te sawifiah phak loh tur tam tak, a chhe zawng pawh in hre ve tawk a ngaih a ni ve hrim hrim. KTP Bial leh Branch ah a mi khual loh ang bawkin Ram pum huap Thalai intel khawmna CKTP ah pawh hruaitu nih a tlin hle. Member ten thawk se, kan ti a nih chuan a hruaitu te hian kan thawk ve ngei tur a ni" tih hi a angaihdan  a ni bur thin, thahnemngaihna leh taimakna lamah chuan um hlawk hlawk ngai khawpin a pen chak thin. A Nupui Zawri hi,  rei tak a zawn hnu a hmuh a ni a, a duh hle, fapa duhawm tak a nei thar a, a mu duh hle bawk.

       Kan Tual Upa Thar te Khatla South Kohhran chuan duhsakna kan hlan a, an rawngbawl leh zelna turah theihtawp chhuah a midangte tan a malsawmna ni tur leh Mipui te hma a pen ngam thin turin kan beisei dawn a  ni. Kohhran mipui te pawh, an pual a tawngtai thin turin kan inngen a ni. 

(source: http://khatlasouthkohhran.in/ )

Read More

KTP Musical Drama hmasa ber

Kan Branch Musical Video hmasa ber hian lung a ti lengin kan branch lo puitlin chhohna kawng a hmasial tu pawimawh tak a ni awm e. (courtesy: http://khatlasouthkohhran.in/ )

Read More

Khatla South Kohhran Statistics thar ber

Khatla South Kohhran Statistics thar ber

(August 2012 hma chu hei hi rin tur a ni)

  source:http://khatlasouthkohhran.in

Sl No	Particulars	2011	2010	+ / -
1	Kohhran Upa zat	11	11	0
2	Tual Upa zat	1	1	0
3	Pem Upa Zat	2	2	0
4	Dan zawhkim (Dan chhunga awm mek )	1204	1149	55
5	Puitling Baptisma chang dan la zawhkim ngai lo	4	5	-1
6	Naupang kum 14 leh a hnuai lam Baptisma chang tawh	426	395	31
7	Thununna tawk mek lai	28	29	-1
8	Baptisma chang lo zawng zawng	22	22	0
9	Belhkhawm  ( S/no 4 to 8)	1684	1600	84
10	Mipa zawng zawng zat	827	797	30
11	Hmeichhia zawng zawng zat	857	803	54
12	Kohhran mi zawng zawng belhkhawm	1684	1600	84
13	Kan Kohhran mi awm hlangna chhungkaw zat	329	314	15
14	Kan Kohhran mi leh mi lo awmpawlhna chhungkaw zat	9	14	-5
15	Chhungkaw zat belhkhawm	338	328	10
16	Dan zawhkim thar zat	27	23	4
17	Thunun lakluh thar zat	22	34	-12
18	Puitling Baptisma chang thar zat	3	2	1
19	Naupang kum 14 leh a hnuai lam Baptisma chang thar	30	35	-5
20	Pawl dang atanga lo pakai zat	25	6	19
21	Hming pe thar zat			0
22	Kohhran pawl danga pakai zat			0
23	Kan Kohhran chhuahsan dangte			0
24	Kohhran atanga ban			0
25	Nau piang zat	30	26	4
26	Mitthi zat	14	8	6
27	Mipa kum 6 chung lam ziak leh chhiar thiam zat	715	688	27
28	Hmeichhia kum 6 chung lam ziak leh chhiar thiam zat	769	717	52
29	Belhkhawm	1484	1405	79
30	Kum 6 chung lam ziak leh chhiar thiam za zela chhut	99.93%	99.72%	0
31	Naupang kum 6 chin leh a hnuai lam zat	199	197	2
32	Sunday School zawng zawng zat	1	1	0
33	Sunday School zirlai zat	1200	1211	-11
34	Sunday School Zirtirtu zat	125	118	7
35	Belhkhawm	1325	1329	-4

Read More

Kohhran Zaipawl hla thar chu a duh apiang tana en theihin pho chhuah a ni ta e.

Lalsut Vuanin

February ni 5,2011 khan Khatla South Kohhran Zaipawl Music Video thar ber "Lal sut Vuanin" tih chu Kohhran Chairman Upa R. Lalringhleian a tlangzarh ta. Belhchian a dawlin hmanlai Mizo nun tarlan tel a  ni a, a hmuhnawmin a mawi em em a ni. A hnuai a thlalak hi Click la thinglung takin ngaithla in han thlir teh le, Khatla South Kohhran Zaipawl te an chhuanawm takzet a ni. Lalpan Malsawm in kai hruai zel che u rawh se.

Read More

NANG I DAMREI DAWN EM ?

Mitthi tlangau thawm chuan mi rawn kaiharh a.Khatla South tilo hram teh ti a thatchhe taka duhthu lo sam ve mawlh mawlh pah chuan rizai hnuai atang chuan ka ngaithla ve kar a.Khatla South chu ani lo ngeimai,mahse khatla south kohhran ami ni thin,kohhran mi tak mai,kan vengchhunga mi anilo hlauh tiha ngaihthah mai theihloh tur boral thu chu an rawn puang ta dup dup mai a,ngaihtuahna a tikal thuive hle mai.Awle,tun kum 2011 tawplam ah hian chhiat kan tawk chho ta zut mai.Kumtir lamah chhiattawk an awmlo tihna nilo in kumtawp lam alo nih phei chuan  vanduaina hi a langsar tamai emaw tih pawh a awl thin a ni ang, Krismas lo thleng tur urlawk a mi zawng zawng rilru a kan inbuatsaih lai anih vangte pawh ani thei bawk awm e.

A then chu kum pawh lam tam tawh ,a awmve tawh tho alawm tiha kan thlahliam an awm a, a then erawh a mak hle mai ti a kan zawi zui leh kan sep zui te an ni hlawm bawk.A  khaikhawmna ah  erawh chuan ala hunlo mang e kan ti  tlangpui chu ani si a.Thihna hian hun leh awmni hi a neithei meuh angem le?.Thi tur hian ka hun viau tawh ani tih hi thil harsa tak anih ka ring thin,a hun leh hunloh tehtu tur erawh ka ni hauh lo thung.Thuziak mi Kaphlei a thukhawchang han hawh ta lawk mai ila “Mihring damrei zawng hi kan kum tam leh tamloh a teh tur ani lo a,kan thiltih azir a tehtur a ni’ a tih hi a dik khawp mai.Kum 100 chuang dam hriatreng hlawh mang silo te ai chuan kum 30/40 lek,kum sang chuang kaltawh ami an chanchin kan la sawi kan la sawi te hi an damrei chu an ni thei zawk ang.Mizo ah ngei pawh Pasaltha hmingthang leh huaisen,naupangte a thi,an damlai a an thiltih te avanga tunthleng a mizo rilru a la damte sawitur pawh kan hre nual awm e.

Hetiang loni lehzel hian ani ngaihtuahna titam ta chu.Ka damchhung kum ka lo hmanve tawh,kum sawmhnih chawhnu lam thleng hian thil tihthat leh sawizui tlak enge ka neihve le?.Thiamna lamah te,pumrua lamah te,hmelthatna lamah te,tlawmngaihna lamah te…ekhai,sawivek sen ani lo ang,mi te aia han san na leh han hriatreng na chhan tur ka van neilo tak em!.Ka thihni hi lo thlengve ta se ka chanchin hi ka ruang chungah engtin nge an rawn sawive ang le!, ‘A  tleirawl lai chuan sual kawng reilo te a zawhve thin a,mahse a hnuah lo piangthar in kohhran leh KTP ahte a lo inhmang chho a,Sunday School zirtirtu ahte a tangve thin’ tih  bakzawng chu mite hriatloh,ka felna leh ka thatna, ka chhungtena hmangaihna mit atanga min tehna lo chu sawichhuah tlak em em ka neih ka ringlo.

Tichuan hetiang hi ani tih hre rengin tihthat leh hriatreng tlak tur thil han tiha han belh tur chu ka hre lem chuanglo a.Bengsik leh pal nghenga kan ngaihtuah ngial pawh hian khawvel ah hian sulhnu ka hnutchhiah ve theihna awm hi ka la hrechhuak theilo tluangzel chu anih hi mawle,ka va damrei dawnlo tak em! Kum tamtak dam mah ila thihna ka tawhve hun chuan ka  chhungte chuan min ngaive dawn tih chu ka hria,chutiang bawkin ka thiante pawhin min ngai ngei ang .Mahse thih hnu  kum 3 liamvel a sawichhuah mangtawh loh tur leh  thihcham bawrvel  chauha hriatchhuah mai mai tur ni a ka ingaihtuah hian ka lungngai thin.Thih hnu a damreng theitur hian enge k tihtak ang le?

                                             

                                            NANG I DAMREI DAWN EM ?

                                                                                                                                                                                27 Nov 2001                                                                                                Roy Lalhriatpuia

Read More